ಮಿಸ್ಟರ್ ಪರ್‌ಫೆಕ್ಷನ್ ಅಮೀರ್ ಖಾನ್ ಈಗ ೨೪ ಇಂಚಿನ ಟಿವಿಯೊಳಗೆ ಇಳಿಯಲಿದ್ದಾರೆ. ಬೆಳ್ಳಿತೆರೆಯಲ್ಲಿ ಅಮೀರ್ ಮಾಡುತ್ತಿರುವ ಮ್ಯಾಜಿಕ್ ಇನ್ನೂ ಮುಂದೆ ಕಿರುತೆರೆಯಲ್ಲಿ ಮುಂದುವರಿಯಲಿದೆ. ಹಾಟ್‌ಸೀಟ್‌ನಲ್ಲಿ ಇನ್ನೂ ಮುಂದೆ ಅಮೀರ್ ಬರುತ್ತಿದ್ದಾರೆ.. ಜಾಗ ಬಿಡಿ..
ಕೆಲವು ವರ್ಷಗಳ ಹಿಂದೆ ಅಲ್ಲಿ ಬಿಗ್ ಬಿ ಅಮಿತಾಭ್ ಬಚ್ಚನ್ ಕೂತಿದ್ರು.... ನಂತರ ಶಾರುಕ್ ಖಾನ್ ಕೂತಿದ್ರು.. ಆದರೆ ಈಗ ಅದೇ ಹಾಟ್ ಸೀಟ್‌ನಲ್ಲಿ ಅನ್ಸರ್‌ಗಳನ್ನು ಲಾಕ್ ಮಾಡಲು ‘ಮಿಸ್ಟರ್ ಪರ್‌ಫೆಕ್ಷನ್’ ಅಮೀರ್ ಖಾನ್ ಬರುತ್ತಿದ್ದಾರೆ. ಖಾಸಗಿ ವಾಹಿನಿ ಸ್ಟಾರ್ ಪ್ಲಸ್‌ನಲ್ಲಿ ಕೆಬಿಸಿಯ ಮೂರನೇಯ ಆವೃತ್ತಿ ಆರಂಭವಾಗುವ ಸೂಚನೆ ಬಂದಿದೆ. ಈಬಾರಿ ಈ ಕೆಬಿಸಿಯ ಚುಕ್ಕಾಣಿ ಹಿಡಿದವರು ನಟ ಅಮೀರ್ ಖಾನ್. ಕೆಬಿಸಿಯ ಕಾರ್‍ಯಕ್ರಮಕ್ಕಾಗಿ ಸಂಯೋಜಕರು ಈಗಾಗಲೇ ಅಮೀರ್ ಖಾನ್ ಜತೆಯಲ್ಲಿ ಒಂದು ಸುತ್ತಿನ ಮಾತುಕತೆ ನಡೆಸಿಕೊಂಡು ಬಂದಿದ್ದಾರೆ.
ಆದರೆ ಅಮೀರ್ ಖಾನ್ ಈಗಾಗಲೇ ಒಪ್ಪಿಕೊಂಡಿರುವ ಚಿತ್ರಗಳ ನಂತರ ಈ ಹಾಟ್ ಸೀಟ್‌ನಲ್ಲಿ ಕೂರುವ ಕುರಿತು ಚಿಂತನೆ ನಡೆಸುತ್ತಿದ್ದಾರೆ ಎಂದು ಅವರ ಮೂಲಗಳು ತಿಳಿಸಿದೆ. ಈಗಾಗಲೇ ಬಿಗ್ ಬಿ ಅಮಿತಾಭ್ ಬಚ್ಚನ್ ಹಾಗೂ ಶಾರುಕ್ ಖಾನ್ ಪಡೆದುಕೊಂಡಿರುವ ಸಂಭಾವಣೆಗಿಂತ ಈ ಬಾರಿಯ ಕೆಬಿಸಿಯ ಹಾಟ್ ಸೀಟ್ ಸಂಭಾವಣೆ ಜಾಸ್ತಿ ಇರಲಿದೆ. ಅಮೀರ್ ಖಾನ್ ಬರೀ ಒಂದು ಎಪಿಸೋಡ್‌ಗೆ ಬರೋಬರಿ ೭೫ ಲಕ್ಷ ರೂ. ಡಿಮ್ಯಾಂಡ್ ಇಟ್ಟಿದ್ದಾರೆ. ಈ ಡೀಲ್‌ಗೆ ಕೆಬಿಸಿ ಸಂಯೋಜಕರು ಗ್ರೀನ್ ಸಿಗ್ನಲ್ ಕೊಟ್ಟು ಬಿಟ್ಟರೆ ಅಮೀರ್ ಖಾನ್ ಹಾಟ್ ಸೀಟ್‌ನಲ್ಲಿ ಕೂರುವ ಕುರಿತು ಯಾವುದೇ ಡೌಟ್ ಇರೋದಿಲ್ಲ.
ಈಗಾಗಲೇ ಅಮೀರ್ ಖಾನ್‌ರ ಬತ್ತಳಿಕೆಯಲ್ಲಿ ಎರಡು ಚಿತ್ರಗಳು ಬಿದ್ದುಕೊಂಡಿದೆ. ಈ ಚಿತ್ರಗಳಲ್ಲಿ ಒಂದು ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳು ಜಾಸ್ತಿಯಾಗಿದೆ. ಇದರ ನಡುವೆ ಈ ಕೆಬಿಸಿಯ ಮೂರನೇ ಆವೃತ್ತಿಯ ಕಾರ್‍ಯಕ್ರಮಗಳಿಗೆ ಶೂಟಿಂಗ್ ನಡೆಯುವ ಸೂಚನೆ ಕೂಡ ಬಂದಿದೆ. ಎರಡಕ್ಕೂ ಟೈಮಿಂಗ್ ಹೊಂದಾಣಿಕೆ ನಡೆಸಲು ಅಮೀರ್ ಖಾನ್‌ಗೆ ಕೊಂಚ ಕಷ್ಟವಾಗಲಿದೆ ಎನ್ನೋದು ಅವರ ಆಪ್ತರ ವಲಯದ ಮಾತು. ಎಲ್ಲಕ್ಕಿಂತಲೂ ಮುಖ್ಯವಾಗಿ ಈ ಹಿಂದೆ ಹಾಟ್‌ಸೀಟ್‌ನಲ್ಲಿದ್ದ ಅಮಿತಾಭ್ ಬಚ್ಚನ್ ಹಾಗೂ ಶಾರುಕ್ ಖಾನ್‌ರ ಅದೇ ಓಲ್ಡ್ ಡೈಲಾಗ್‌ಗಳಾದ ‘ಲಾಕ್ ಕೀಯಾ ಜಾಯೇ’ ‘ಫ್ರೇಜ್ ಕಿಯಾ ಜಾಯೇ’ ಗುಡ್ ಬಾಯ್ ಹೇಳುವ ಮಾತು ಅಮೀರ್ ಖಾನ್ ಆಡಿದ್ದಾರೆ. ಈ ಕೆಬಿಸಿಯಲ್ಲಿ ಹೊಸ ಪದದ ಆವಿಷ್ಕಾರಕ್ಕಾಗಿ ಸಂಯೋಜಕರು ಹುಡುಕಾಡುತ್ತಿದ್ದಾರೆ ಎಂಬ ಮಾತು ಹೊರ ಬಂದಿದೆ.
ಈ ಬಾರಿಯ ಹಾಟ್ ಸೀಟ್‌ನಲ್ಲೂ ಬಹಳಷ್ಟು ಬದಲಾವಣೆಗಳು ದಾಖಲಾಗುವ ಚಾನ್ಸ್‌ಗಳು ಜಾಸ್ತಿಯಿದೆ. ಅಮೀರ್ ಖಾನ್‌ರ ಹೊಸ ಗೆಟಪ್, ಹೊಸ ಸಂಭಾಷಣೆಗಳು, ಅನ್ಸರ್‌ಗಳನ್ನು ಲಾಕ್ ಮಾಡುವ ಶೈಲಿ ಎಲ್ಲವೂ ಡಿಫರೆಂಟ್ ಆಗಿರಲಿದೆ ಎನ್ನೋದು ಕೆಬಿಸಿಯ ಮೂಲಗಳು ಹೇಳುವ ಮಾತು. ಈ ವರ್ಷದ ಮಧ್ಯ ಭಾಗದಲ್ಲಿ ಕೆಬಿಸಿಯ ಮೂರನೇ ಆವೃತ್ತಿ ಸ್ಟಾರ್ ಪ್ಲಸ್‌ನಲ್ಲಿ ಹೊಸ ದುನಿಯಾವನ್ನು ಪ್ರೇಕ್ಷಕರ ಮುಂದೆ ತೆರೆದಿಡುವ ಸಾಧ್ಯತೆ ಇದೆ ಎಂದು ಕೆಬಿಸಿಯ ಸಂಯೋಜಕರಲ್ಲಿ ಒಬ್ಬರಾಗಿರುವ ಸಿದ್ಧಾರ್ಥ್ ಬಸು ಮಾಧ್ಯಮಗಳಿಗೆ ಹೇಳಿಕೊಂಡು ತಿರುಗಾಡುತ್ತಿದ್ದಾರೆ.
No comments:
Post a Comment