ಬಿ ಟೌನ್ ಬ್ಯೂಟಿ ನಯನಾ

ಚಿತ್ರತಾರೆ ಪ್ರಭುದೇವ- ನಯನಾತಾರಾರ ಸಿಕ್ರೇಟ್ ಮಾತು ಹೊರಬಂದಿದೆ. ಇಷ್ಟರವರೆಗೆ ಪ್ರಭು ಹಾಗೂ ನಯನಾ ಜತೆಯಾಗಿ ಸುತಾಡುತ್ತಿದ್ದರು. ಇನ್ನು ಮುಂದೆ ಜತೆಯಾಗಿ ಚಿತ್ರ ಮಾಡ್ತಾರೆ ಅಂತೆ ! ಏನ್ ಕತೆ ಅಂತೀರಾ..?
ಏನಿಲ್ಲ...ನನ್ನ ನಿನ್ನ ನಡುವೆ ಏನಿಲ್ಲ...
ರಿಯಾಲಿ ನಮ್ಮ ನಡುವೆ ಏನಿಲ್ಲ ಅಂದುಕೊಂಡು ಬೀದಿ ಬೀದಿ ಸುತ್ತಾಡಿದ ಜೋಡಿಗಳಿಬ್ಬರ ಮಾತು. ನಮ್ಮ ಮದುವೆ ಆಗಿಯೇ ಹೋಗಿದೆ ಈ ಕುರಿತು ಚರ್ಚೆನೇ ಬೇಡ ಕಣ್ರಿ ಎಂದು ಮಾಧ್ಯಮಗಳ ಮುಂದೆ ಮುಖಗಂಟಿಕ್ಕಿದ ತಾರೆಗಳ ರಂಗೀನ್ ಕತೆ. ಈಗ ಈ ಕತೆ ಮತ್ತೆ ಮುಂದುವರಿದಿದೆ. ಹೌದು. ಚಿತ್ರತಾರೆ ಪ್ರಭುದೇವ- ನಯನಾತಾರಾರ ಸಿಕ್ರೇಟ್ ಮಾತು ಹೊರಬಂದಿದೆ.ಇಷ್ಟರವರೆಗೆ ಪ್ರಭು ಹಾಗೂ ನಯನಾ ಜತೆಯಾಗಿ ಸುತ್ತಾಡುತ್ತಿದ್ದರು. ಇನ್ನು ಮುಂದೆ ಜತೆಯಾಗಿ ಚಿತ್ರ ಮಾಡ್ತಾರೆ ಅಂತೆ !
ಹೌದು. ಬಿ-ಟೌನ್ನಲ್ಲಿ ದಕ್ಷಿಣ ಭಾರತದ ಮತ್ತೊಂದು ಸೂಪರ್ ಹುಡುಗಿ ಕಾಲಿಡುವ ಸೂಚನೆ ಹೊರಬಂದಿದೆ. ವಿದ್ಯಾಬಾಲನ್,ಆಸೀನ್, ತ್ರಿಶಾರ ನಂತರ ಈಗ ಹಿಟ್ ಲೀಸ್ಟ್ನಲ್ಲಿ ಇರೋದು ಸುಂದರ ಕಣ್ಣುಗಳ, ಮುದ್ದು ಮೊಗದ , ಗಟ್ಟಿಮುಟ್ಟಾದ ಹಾಟ್ ಹುಡುಗಿ ನಯನಾ ತಾರಾ. ಬಿ-ಟೌನ್ ನಿರ್ಮಾಪಕ ಬೋನಿ ಕಪೂರ್ ಬ್ಯಾನರ್ನಲ್ಲಿ ಮೂಡಿಬಂದ ಸೂಪರ್ಹಿಟ್ ಹಿಂದಿ ಚಿತ್ರ ‘ವಾಂಟೆಡ್’ ನಂತರ ಅದರ ಪಾರ್ಟ್ ಟೂ ಸಿನ್ಮಾ ಮಾಡುವ ಯೋಜನೆ ಬೋನಿಗೆ ಬಂದು ಬಿಟ್ಟಿದೆ. ಇದಕ್ಕಾಗಿ ಮುಂಬಯಿ ನಗರಿಯಲ್ಲಿ ಕೂತು ಬೋನಿ ‘ವಾಂಟೆಡ್-೨’ಗಾಗಿ ತಲೆ ಓಡಿಸುತ್ತಿದ್ದಾರೆ.
ತಮಿಳಿನ ‘ಪೋಕಿರಿ’ ಚಿತ್ರವನ್ನು ಮಕ್ಕಿಕಾ ಮಕ್ಕಿ ಕಾಪಿ ಹೊಡೆದು ‘ವಾಂಟೆಡ್’ ಚಿತ್ರ ಮಾಡಿದ ನಿರ್ದೇಶಕ ಪ್ರಭುದೇವ ಪಾರ್ಟ್ ಟೂ ಗೂ ನಿರ್ದೇಶಕರಾಗಿ ಜಾಗ ಪಡೆದುಕೊಂಡಿದ್ದಾರೆ. ಚಿತ್ರದ ಲೀಡ್ ರೋಲ್ನಲ್ಲಿ ಮಸಲ್ಮ್ಯಾನ್ ಸಲ್ಮಾನ್ ಖಾನ್ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದ ನಾಯಕಿಯಾಗಿ ಆಯೀಷಾ ತಾಕಿಯಾ ಬದಲು ಈ ಬಾರಿ ಹೊಸ ಹುಡುಗಿ ನಯನಾ ತಾರಾ ಸೆಲೆಕ್ಟ್ ಆಗಿದ್ದಾರೆ. ಈ ಹಿಂದೆ ಸಲ್ಲು ಪ್ರಿಯ ಹುಡುಗಿ ಆಸೀನ್ ನಟಿಸುವ ಸಾಧ್ಯತೆಗಳು ಇವೆ ಎಂದು ಚಿತ್ರತಂಡ ಹೇಳಿಕೊಂಡಿತ್ತು. ಆದರೆ ನಟನಟಿಯರ ಆಯ್ಕೆ ಸಮಿತಿಯಲ್ಲಿ ಯಾವಾಗ ನಿರ್ದೇಶಕ ಪ್ರಭುದೇವ ಬಂದು ಕೂತರೋ ಗೊತ್ತಿಲ್ಲ. ಪ್ರಭು ಹೇಳಿದ ಮಾತಿಗೆ ಎಲ್ಲರೂ ಒಪ್ಪಲೇಬೇಕಾಯಿತು. ‘ವಾಂಟೆಡ್-೨’ ನಿರ್ದೇಶನ ಮಾಡಬೇಕಾದರೆ ನಯನಾ ನಾಯಕಿಯಾಗಿ ಬರಬೇಕು ಎನ್ನೋದು ಪ್ರಭುದೇವರ ಮೊದಲ ಷರತ್ತು ಆಗಿತ್ತು ಎಂಬ ಮಾತು ಈಗ ಹೊರಬಿದ್ದಿದೆ.
ತಮಿಳಿನಲ್ಲಿ ಒಳ್ಳೆಯ ಓಪನಿಂಗ್ ಪಡೆದುಕೊಂಡು ಮುನ್ನುಗ್ಗುತ್ತಿರುವ ‘ಎಂಗೆಯುಂ ಎನ್ ಕಾದಲ್’ ಯಶಸ್ಸಿನಿಂದ ಬೀಗುತ್ತಿರುವ ನಿರ್ದೇಶಕ ಪ್ರಭುದೇವ ‘ವಾಂಟೆಡ್-೨’ನ ಕತೆ, ಉಳಿದ ಪಾತ್ರ ವರ್ಗಗಳ ಕುರಿತು ಸಿರೀಯಸ್ ಆಗಿ ಹೋಂ ವರ್ಕ್ ಆರಂಭ ಮಾಡಿದ್ದಾರೆ. ಹಿಂದಿಯಲ್ಲಿ ಮತ್ತೊಂದು ಸೂಪರ್ಹಿಟ್ ಹಾಗೂ ದೊಡ್ಡ ಬಜೆಟ್ ಚಿತ್ರಕ್ಕಾಗಿ ನಿರ್ಮಾಪಕ ಬೋನಿ ಕಪೂರ್ ಹೆಚ್ಚು ಹಣ ಸುರಿಯುವ ಧೈರ್ಯ ಮಾಡಿದ್ದಾರೆ. ಈ ಮೂಲಕ ಬಾಲಿವುಡ್ನಲ್ಲಿ ಮತ್ತೊಂದು ದಕ್ಷಿಣ ಭಾರತ ಅಲೆ ಎದ್ದು ಬರಲಿದೆ. ಪ್ರಭುದೇವರ ಕೈಚಳಕದಲ್ಲಿ ನಯನಾ ನಿಜಕ್ಕೂ ಬಿ ಟೌನ್ನಲ್ಲಿ ಹಿಟ್ ಆಗುತ್ತಾರಾ ಎನ್ನೋದು ಈಗಲೂ ಎಲ್ಲರಲ್ಲೂ ಸುತ್ತಾಡುತ್ತಿರುವಪ್ರಶ್ನೆ ಅದಕ್ಕೆ ಉತ್ತರ ಮಾತ್ರ ಸಾಧ್ಯದಲ್ಲಿಯೇ ದೊರೆಯಲಿದೆ.
...
(ವಿಜಯ ಕರ್ನಾಟಕದ ಲವಲವಿಕೆ ಪುರವಣಿಯಲ್ಲಿ ೧೩.೦೫.೨೦೧೧ರಂದು ಪ್ರಕಟವಾಗಿದೆ)