ಸೆಕ್ಸ್ ಪವರ್ ಜಾಸ್ತಿ ಮಾಡೋಕೆ ಶ್ವೇತಾ !

ಕೊನೆಗೂ ಮಲಯಾಲಂ ನಟಿ ಶ್ವೇತಾ ಮೆನನ್ ಗೆ ನ್ಯಾಯ ಸಿಕ್ಕಿದೆ. ಲೈಂಗಿಕಾಸಕ್ತಿ ಹೆಚ್ಚಿಸುವ ಹರ್ಬಲ್ ಉತ್ಪನ್ನದ ಜಾಹೀರಾತಿಗೆ ಶ್ವೇತಾಳ ಒಪ್ಪಿಗೆ ಪಡೆಯದೇ ಆಕೆಯ ಫೋಟೊ ಬಳಸಿದ ಆರೋಪದಡಿ ಮುಸ್ಲಿ ಪವರ್ ಕಂಪನಿಯ ನಿರ್ದೇಶಕನನ್ನು ಕಂಬಿಯ ಹಿಂದೆ ಕೂರಿಸಿದ್ದಾರೆ. ಅವಳ ಫೋಟೊ ಹಾಕಿದ್ದು ನಾನಲ್ಲ ಜಾಹೀರಾತು ಪ್ರೊಡ್ಯುಸರ್ ಅಂತ ಆತ ಅವಲತ್ತುಕೊಂಡಿದ್ದಾನೆ.
ಮಲಯಾಲಂ ಚಿತ್ರ ನಟಿ ಶ್ವೇತಾ ಮೆನನ್ ಚಿತ್ರರಂಗದಲ್ಲಿ ಬೇಡಿಕೆಯಲ್ಲಿರುವ ನಟಿ. ನೋಡಲು ಒಂದಿಷ್ಟು ಹಾಟ್ ಆಗಿಯು ಇದ್ದಾಳೆ. ಹಾಗಂತ ಅವಳ ಫೋಟೊವೊಂದನ್ನು ಸೆಕ್ಸ್ ಪವರ್ ಹೆಚ್ಚಿಸೋ ಉತ್ಪನ್ನದ ಜಾಹೀರಾತಿಗೆ ಬಳಸಿದರೆ ಸುಮ್ಮನಿರುತ್ತಾಳ? ಅದು ಕೂಡ ಆಕೆಯ ಅನುಮತಿಯಿಲ್ಲದೇ! ಕಯಾಮ್ ಎಂಬ ಮಲಯಾಲ ಚಿತ್ರದಲ್ಲಿ ನಟಿಸಿದ್ದ ಶ್ವೇತಾಳ ಫೋಟೊವನ್ನು ಮುಸ್ಲಿ ಪವರ್ ಜಾಹೀರಾತಿಗೆ ಬಳಸಿಕೊಳ್ಳಲಾಗಿತ್ತು. ಈ ಜಾಹೀರಾತು ಅವಳಿಗೆ ಗೊತ್ತಾಗದು ಅಥವಾ ಗೊತ್ತಾದರೂ ತೆಪ್ಪಗಿರುತ್ತಾಳೆ ಅಂತ ಕಂಪನಿ ಅಂದುಕೊಂಡಿತ್ತೋ ಏನೋ ಹಿಂದೆ ಮುಂದೆ ಯೋಚಿಸದೇ ಪ್ರಕಟಿಸಿತ್ತು.
ಕೆಲವೇ ದಿನಗಳಲ್ಲಿ ಎಲ್ಲೆಲ್ಲೋ ಆಕೆಯ ಚಿತ್ರವಿರುವ "ಮುಸ್ಲಿ ಪವರ್ ಎಕ್ಸ್ ಟ್ರಾ" ಜಾಹೀರಾತು ಕಾಣಲಾರಂಬಿಸಿತು. ಇದು ಶ್ವೇತಾ ಮೆನನ್ ಗಮನಕ್ಕೂ ಬಿದ್ದಿದ್ದೆ. ಸಹಜವಾಗಿಯೇ ಶ್ವೇತಾ ಕುಪಿತಗೊಂಡಿದ್ದಾಳೆ. ಬೆಂಗಳೂರಿನ ಬಿಎಂಟಿಸಿ ಬಸ್ ನೊಳಗೂ ಮುಸ್ಲಿ ಪವರ್ ಜಾಹೀರಾತು ನೀವು ನೋಡಿರಬಹುದು. ಅಷ್ಟೊಂದು ಜಾಹೀರಾತುಗಳನ್ನು ಪ್ರಕಟಿಸಲಾಗಿದೆ. ಈ ಕುರಿತು ಶ್ವೇತಾ ಪ್ರಕರಣ ದಾಖಲಿಸಿದಾಗ ಪೋಲಿಸರು ಮುಸ್ಲಿ ಪವರ್ ಎಕ್ಸ್ ಟ್ರಾ ಎಂಬ ಉತ್ಪನ್ನದ ತಯಾರಿಕಾ ಕಂಪನಿ ಕುನತ್ ಫಾರ್ಮಾದ ನಿರ್ದೇಶಕ ಕೆ. ಸಿ ಅಬ್ರಾಹಂ ಎಂಬಾತನನ್ನು ಬಂದಿಸಿದ್ದಾರೆ.

ಈ ಫೋಟೊವನ್ನು ಬಳಸಿದ್ದು ನಾನಲ್ಲ, ಇದರಲ್ಲಿ ನನ್ನದೇನೂ ತಪ್ಪಿಲ್ಲ ಅಂತ ಅಬ್ರಾಹಂ ಅವಲತ್ತುಕೊಂಡುಬಿಟ್ಟ. ಈ ಫೋಟೊ ಬಳಸಿರುವುದು ಜಾಹೀರಾತು ಪ್ರೊಡ್ಯುಸರ್ ಅಂತ ತಿಳಿಸಿದ್ದಾನಂತೆ. ಪೋಲಿಸರು ಹೆಚ್ಚಿನ ವಿಚಾರಣೆ ನಡೆಸಿ ಆತನನ್ನು ಬಿಡುಗಡೆ ಮಾಡಿದ್ದಾರೆ. ಈಗ ಆ ಜಾಹೀರಾತು ಪ್ರೊಡ್ಯುಸರ್ ಹುಡುಕಾಟದಲ್ಲಿರುವುದಾಗಿ ಪೋಲಿಸರು ತಿಳಿಸಿದ್ದಾರೆ.