ಕುಡ್ಲಗೆ ಬಂತು ದುಬಾರಿ ಬೈಕ್ !

ಅಮೆರಿಕದ ಹಾರ್ಲೆ ಡೇವಿಡ್ ಸನ್ ಮೋಟಾರ್ ಕಂಪನಿ ಮಂಗಳೂರಿಗೆ ಬಂದಿದೆ. ೩೦-೪೦ಸಾವಿರ ರೂ. ತೂಗುವ ಬೈಕ್ಗಳನ್ನು ನೋಡುತ್ತಿದ್ದ ಕರಾವಳಿಯ ಮಂದಿ ಈಗ ೨೫ರಿಂದ ೩೫ ಲಕ್ಷ ರೂ. ತೂಗುವ ಬೈಕ್ಗಳನ್ನು ನೋಡಿ ಬರಬಹುದು.
ಸಾಮಾನ್ಯವಾಗಿ ಕುಡ್ಲದ ರೋಡಿನಲ್ಲಿ ಓಡಾಡಿಕೊಂಡಿರುವ ಒಂದು ಬೈಕ್ನ ರೇಟೆಷ್ಟು ಅಂತಾ ಕೇಳಿದ್ರೆ.. ಥಟ್ ಅಂತಾ ೩೦ ಸಾವಿರದಿಂದ ಹಿಡಿದು ೧ಲಕ್ಷ ರೂ. ಎನ್ನಬಹುದು. ಆದರೆ ಈಗ ಬಂದಿರುವ ಬೈಕ್ನ ರೇಟು ೨೫ರಿಂದ ೩೫ ಲಕ್ಷ ರೂ. ! ಹೌದು, ಈಗ ನಮ್ಮ ಕುಡ್ಲ ಹೈಟೆಕ್ ಸಿಟಿ. ಇಲ್ಲಿ ಲೋಕಲ್ ಮಾಲ್ಗಳಿಂದ ಹಿಡಿದು-ಫಾರಿನ್ ಮಾಲ್ಗಳ ತನಕ ಎಲ್ಲವೂ ಲಭ್ಯ.
ನಗರದ ಸಿಟಿ ಪಾಯಿಂಟ್ ಮಾಲ್ನಲ್ಲಿ ಕಳೆದರಡು ದಿನಗಳಿಂದ ಬೀಡುಬಿಟ್ಟಿರುವ ಅಮೆರಿಕ ಮೂಲದ ಹಾರ್ಲೆ ಡೇವಿಡ್ ಸನ್ ಮೋಟಾರ್ ಸೈಕಲ್ ಕಂಪನಿಯ ಹಾರ್ಲೆ ಡೇವಿಡ್ಸನ್ ೨೦೧೧ ಮಾದರಿಯ ೧೬೦೦ ಸಿಸಿ, ೧೨೫೦ ಸಿಸಿಯ ರೆಡ್, ಬ್ಲೂ ಹಾಗೂ ಬ್ಲ್ಯಾಕ್ ಕಲರ್ ಬೈಕ್ಗಳು ಲಭ್ಯ. ಉಳಿದಂತೆ ಹೆಚ್ಚುವರಿ ಸಿಸಿಯ ಬೇರೆ ಬಣ್ಣದ ಬೈಕ್ಗಳು ಬರಲಿದೆ ಎನ್ನೋದು ಕಂಪನಿಯ ಮಾರ್ಕೆಟಿಂಗ್ ಮ್ಯಾನೇಜರ್ ಶರಣ್ ಶೆಟ್ಟಿಯ ಮಾತು.
ಅಮೆರಿಕದಲ್ಲಿ ೧೯೦೩ರಲ್ಲಿ ಆರಂಭವಾದ ಈ ಕಂಪನಿಯ ೮೮೩ ಸಿಸಿಯ ೬.೭೦ ಲಕ್ಷ ರೂ. ಬೈಕ್ನಿಂದ ಹಿಡಿದು ೧೮೦೦ ಸಿಸಿಯ ೪೨ ಲಕ್ಷ ರೂ. ವರೆಗಿನ ೧೪ ಮಾದರಿಯ ಬೈಕ್ಗಳು ಈಗ ಭಾರತದಲ್ಲಿ ಸಿಗುತ್ತಿವೆ. ಬೆಂಗಳೂರು ಸೇರಿದಂತೆ ಹೈದ್ರಾಬಾದ್, ಮುಂಬಯಿ, ದಿಲ್ಲಿಯಲ್ಲಿ ಶೋ ರೂಂಗಳನ್ನು ಕಂಪನಿ ಹೊಂದಿದೆ. ಹರಿಯಾಣದಲ್ಲಿ ಇದರ ತಯಾರಿಕಾ ಘಟಕವಿದೆ. ಸ್ಪೋರ್ಟ್ಸ್ ಮಾದರಿಯ ಬೈಕ್ಗಳು ಯುವಪೀಳಿಗೆಯನ್ನು ಮೋಡಿ ಮಾಡಿದೆ. ಉಳಿದಂತೆ ೬೦ ವಯಸ್ಸಿನ ಅಸುಪಾಸಿನವರೂ ಈ ಬೈಕ್ನ ಕ್ರೇಜ್ನಲ್ಲಿ ಬಿದ್ದಿದ್ದಾರೆ.
ಮಂಗಳೂರಿನಲ್ಲಿ ಎರಡು ದಿನ ಬೈಕ್ಗಳ ಪ್ರದರ್ಶನ ಮಾಡಿ ನಂತರ ಉಡುಪಿ, ಮಣಿಪಾಲ, ಚಿಕ್ಕಮಗಳೂರು ಮೂಲಕ ಬೆಂಗಳೂರಿನ ಶೋ ರೂಂಗೆ ತಲುಪಿಸಲಾಗುತ್ತಿದೆ. ೧ ಲೀ ಪೆಟ್ರೋಲ್ಗೆ ೧೫ರಿಂದ ೨೨ ಕಿ.ಮೀ ಮೈಲೇಜ್ ನೀಡುವ ಸಾಮರ್ಥ್ಯವಿರುವ ಬೈಕ್ಗಳು ಸವಾರನಿಗೆ ಆರಾಮದಾಯಕ ಹಾಗೂ ಸುರಕ್ಷಿತ ಪ್ರಯಾಣಕ್ಕೆ ಹೇಳಿ ಮಾಡಿಸಿದಂತಿದೆ ಎನ್ನುತ್ತಾರೆ ಮತ್ತೊಬ್ಬ ಮಾರ್ಕೆಟಿಂಗ್ ಮ್ಯಾನೇಜರ್ ಶ್ರೀನಿವಾಸ್ ರೆಡ್ಡಿ.
ಅಮೆರಿಕ ಮೂಲದ ಹಾರ್ಲೆ ಮೋಟಾರ್ ಬೈಕ್ಗಳು ಕುಡ್ಲದ ರೋಡಿಗೆ ಒಗ್ಗಿಕೊಳ್ಳುತ್ತ್ತದೆಯೇ ಎನ್ನುವ ಪ್ರಶ್ನೆ ಮಾತ್ರ ಬೈಕ್ ನೋಡುವ ಶ್ರೀಸಾಮಾನ್ಯನಿಗೂ ಕಾಡದೇ ಬಿಡದು.