ಪಾಪ್ ಗಾಯಕಿ ಬ್ರಿಟ್ನಿ ಸ್ಪಿಯರ್ಸ್ ಈಗ ಮದುವೆಯ ಸಂಭ್ರಮದಲ್ಲಿದ್ದಾರೆ. ಅಂದಹಾಗೆ ಬ್ರಿಟ್ನಿ ಸ್ಪಿಯರ್ಸ್ಗೆ ಇದು ಮೊದಲ ಮದುವೆಯ ಸಂಭ್ರಮ ಅಲ್ಲವೇ ಅಲ್ಲ. ಬ್ರಿಟ್ನಿಯ ಲೆಕ್ಕಚಾರದ ಪ್ರಕಾರ ಇದು ಮೂರನೇ ಮದುವೆ ಎನ್ನೋದು ಈ ಬರಹದ ವಿಷ್ಯಾ...
ಖ್ಯಾತ ಪಾಪ್ ಗಾಯಕಿ ಬ್ರಿಟ್ನಿ ಸ್ಪಿಯರ್ಸ್ ಈಗ ಮತ್ತೆ ಸುದ್ದಿಯ ಅಂಗಣದಲ್ಲಿ ಬಂದು ಪಟ್ ಅಂತಾ ಕೂತು ಬಿಟ್ಟಿದ್ದಾಳೆ. ಅಂದಹಾಗೆ ಬ್ರಿಟ್ನಿ ಯಾರಿಗೆ ತಾನೇ ಗೊತ್ತಿಲ್ಲ. ಅಮೆರಿಕದ ಪಾಪ್ ಹಾಡುಗಾರ್ತಿ, ಡ್ಯಾನ್ಸರ್, ನಟಿ, ಫ್ಯಶನ್ ಡಿಸೈನರ್, ವಿಡಿಯೋ ಡೈರೆಕ್ಟರ್, ಬರಹಗಾರ್ತಿ ಹೀಗೆ ಬ್ರಿಟ್ನಿ ಮುಟ್ಟಾದ ಕ್ಷೇತ್ರಗಳು ಸಧ್ಯಕ್ಕಂತೂ ಯಾವುದು ಇಲ್ಲ ಬಿಡಿ. ಅದಕ್ಕಿಂತ ಮುಖ್ಯವಾಗಿ ಬ್ರಿಟ್ನಿ ಮಾಡುವ ಅವಾಂತರಗಳು ಸದಾ ಸುದ್ದಿಯಲ್ಲಿರುತ್ತದೆ.
ಬ್ರಿಟ್ನಿಯ ಯಾವುದೇ ಒಂದು ಆಲ್ಬಂ ಮಾರುಕಟ್ಟೆಯಲ್ಲಿ ಬಿದ್ದು ಹೋಗುತ್ತಿದೆ ಎಂದಾಗ ಅಮೆರಿಕದ ಪಬ್ನಲ್ಲೋ... ಬಿಯರ್ ಬಾರ್ನಲ್ಲೋ.... ಪಾರ್ಟಿಯಲ್ಲೋ.... ಡ್ರಗ್ಸ್ ಸೇವಿಸುತ್ತಾ ಚೂರುಪಾರು ಬಟ್ಟೆಯಲ್ಲಿ ದೇಹ ಸೌಂದರ್ಯವನ್ನು ಬಿಟ್ಟಿಯಾಗಿ ಪ್ರದರ್ಶನ ಮಾಡುತ್ತಾ ಸುದ್ದಿ ಮಾಡುತ್ತಿದ್ದ ಬ್ರಿಟ್ನಿ ಈಗ ಮದುವೆಯಾಗುವ ಯೋಚನೆಗೆ ಬಂದಿದ್ದಾರೆ. ಅಂದಹಾಗೆ ಬ್ರಿಟ್ನಿಗೆ ಇದು ಮೊದಲ ಮದುವೆಯಲ್ಲ.. ಲೆಕ್ಕಚಾರದ ಪ್ರಕಾರ ಇದು ಮೂರನೇ ಮದುವೆ ಎನ್ನೋದು ಬ್ರಿಟ್ನಿಯ ಮಾತು.
ಬಹಳ ಹಳೆಯ ಪಾಪ್ಸ್ಟಾರ್ ಹಾಗೂ ತನ್ನ ಬಾಲ್ಯ ಗೆಳೆಯ ಜೇಸಾನ್ ಅಲೆಕ್ಸಾಂಡರ್ ಜತೆಯಲ್ಲಿ ಮದುವೆಯಾಗಿದ್ದರು. ೫೫ ಗಂಟೆಗಳ ಕಾಲ ಜೀವಂತ ಇದ್ದ ಇವರಿಬ್ಬರ ಮದುವೆ ನಂತರ ಮುರಿದುಬಿತ್ತು. ಆ ಬಳಿಕ ಬ್ರಿಟ್ನಿ ಲೈಪ್ನಲ್ಲಿ ಎಂಟ್ರಿ ಕೊಟ್ಟವರು ಕೇವಿನ್ ಪೆಡರ್ಲೈನ್. ಈ ಮದುವೆ ಬಹಳ ಟೈಮ್ ಬಾಳ್ವಿಕೆ ಬಂತು. ಕೇವಿನ್ನಿಂದ ಬ್ರಿಟ್ನಿ ಎರಡು ಮಕ್ಕಳ ತಾಯಿ ಕೂಡ ಆದಳು. ಈಗಲೂ ಐದು ವರ್ಷದ ಸೀನ್ ಹಾಗೂ ನಾಲ್ಕು ವರ್ಷದ ಜೇಡನ್ ಎನ್ನುವ ಮುದ್ದಾದ ಮಕ್ಕಳು ಬ್ರಿಟ್ನಿಯ ಜತೆಯಲ್ಲಿಯೇ ಬದುಕು ಕಟ್ಟುತ್ತಿವೆ.
ಈಗ ಬಹಳ ಕಾಲದಿಂದ ಬ್ರಿಟ್ನಿಯ ಜತೆಯಲ್ಲಿ ಅನದಿಕೃತವಾಗಿ ಸುತ್ತಾಡುತ್ತಿದ್ದ ಗೆಳೆಯ ಜೇಸಾನ್ ಟ್ರಾವಿಕ್ ಜತೆಯಲ್ಲಿ ಬ್ರಿಟ್ನಿ ಮೂರನೇ ಬಾರಿಗೆ ಮದುವೆಯಾಗುತ್ತಿದ್ದಾರೆ. ೩೯ರ ಹರೆಯದ ಜೇಸಾನ್ ಅಮೆರಿಕದಲ್ಲಿ ಟ್ಯಾಲೆಂಟ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಬ್ರಿಟ್ನಿ ಹಾಗೂ ಜೇಸಾನ್ ಮದುವೆ ಯಾವಾಗ, ಎಲ್ಲಿ ಎನ್ನುವ ವಿಚಾರಗಳು ಬಹಿರಂಗವಾಗಿಲ್ಲ. ಹೊಸ ಆಲ್ಬಂ ಬಿಡುಗಡೆಯ ಜತೆಗೆ ವರ್ಲ್ಡ್ ಟೂರ್ಗೆ ಬ್ರಿಟ್ನಿ ರೆಡಿಯಾಗುತ್ತಿರುವುದರಿಂದ ಮದುವೆ ಕೊಂಚ ಡಿಲೇ ಆಗುವ ಲಕ್ಷಣಗಳು ಗೋಚರಿಸಿದೆ.
ಈಗಾಗಲೇ ಇವರಿಬ್ಬರು ಲಾಸ್ ವೇಗಸ್ನ ಮನ್ಶನ್ ಹೊಂದರಲ್ಲಿ ರಿಂಗ್(ಉಂಗುರ)ಬದಲಾಯಿಸುವ ಕಾರ್ಯಕ್ರಮ ನಡೆದಿದೆ ಎಂದು ಬ್ರಿಟ್ನಿಯ ಆಪ್ತ ಮೂಲಗಳು ತಿಳಿಸಿದೆ. ಬ್ರಿಟ್ನಿ ಸ್ಪಿಯರ್ಸ್ರ ಚದುರಿದ ಬದುಕು ಮೂರನೇ ಮದುವೆ ಮೂಲಕವಾದರೂ ಗಟ್ಟಿಯಾಗುತ್ತಾ..? ಇಲ್ಲವೇ ಬ್ರಿಟ್ನಿ ನಾಲ್ಕನೇ ಮದುವೆಗೆ ಈ ಮದುವೆ ಅಡಿಗಲ್ಲು ಆಗುತ್ತಾ ಎನ್ನೋದು ಬ್ರಿಟ್ನಿ ಸ್ಪಿಯರ್ಸ್ರ ಸಂಗೀತ ಅಭಿಮಾನಿಗಳ ಡಾಲರ್ ಪ್ರಶ್ನೆಯಾಗಿ ಮುಂದೆ ನಿಂತಿದೆ. ದೊಡ್ಡವರ ಬದುಕು ಯಾವಾಗಲೂ ದೊಡ್ಡದಾಗಿರುತ್ತದೆ ಎನ್ನೋದಕ್ಕೆ ಬ್ರಿಟ್ನಿ ಕರೆಕ್ಟ್ ಸ್ಯಾಂಪಲ್ ಅಲ್ವಾ...?
No comments:
Post a Comment