ಒಂದಲ್ಲ ಎರಡಲ್ಲ ಬರೋಬರಿ ಒಂಬತ್ತು ವರ್ಷಗಳ ಕಾಲ ದೂರವಿದ್ದ ಎರಡು ವಿರುದ್ಧ ಧ್ರುವಗಳು ಈ ಮೂಲಕ ಹತ್ತಿರಕ್ಕೆ ಬರುತ್ತಿದೆ. ಬಾಲಿವುಡ್ ಸಿನ್ಮಾ ಇಂಡಸ್ಟ್ರಿಯಲ್ಲಿ ಕಮಾಲ್ ಮಾಡಲು ಹೊರಟ ಜೋಡಿಗಳ ಕತೆ ಏನ್ ಹೇಳ್ತೀನಿ ಕೇಳಿ.....
ಸ್ಯಾಂಡಲ್ವುಡ್ನ ಕ್ರೇಜಿಸ್ಟಾರ್ ರವಿಚಂದ್ರನ್ ವರ್ಸಸ್ ನಾದಬ್ರಹ್ಮ ಹಂಸಲೇಖ ಒಂದು ಕಾಲದಲ್ಲಿ ಜತೆಯಾಗಿ ಕೆಲಸ ಮಾಡಿ ತುಂಬಾ ದೊಡ್ಡ ಹಿಟ್ ಚಿತ್ರಗಳನ್ನು ಕೊಟ್ಟು ನಂತರ ಇಬ್ಬರು ಬೇರೆಯಾಗಿದ್ದರು. ಈಗ ಮೋಹನ್ ನಿರ್ದೇಶನದ ‘ನರಸಿಂಹ’ದ ಮೂಲಕ ಮತ್ತೆ ಒಂದಾಗುತ್ತಿರುವ ವಿಚಾರ ಇಡೀ ಸಿನ್ಮಾ ಇಂಡಸ್ಟ್ರಿಗೆ ಗೊತ್ತಿದೆ ಬಿಡಿ. ಈಗ ಇಂತಹ ಒಂದು ಕತೆ ಬಾಲಿವುಡ್ನಲ್ಲೂ ಮುಂದುವರಿಯುತ್ತಿದೆ ಎನ್ನುವ ಮಾಹಿತಿ ಮುಂಬಯಿ ಪಡಸಾಲೆಯಿಂದ ಹೊರ ಬಿದ್ದಿದೆ.
ಒಂದಲ್ಲ ಎರಡಲ್ಲ ಬರೋಬರಿ ಒಂಬತ್ತು ವರ್ಷಗಳ ಕಾಲ ದೂರವಿದ್ದ ಎರಡು ವಿರುದ್ಧ ಧ್ರುವಗಳು ಈ ಮೂಲಕ ಹತ್ತಿರಕ್ಕೆ ಬರುತ್ತಿದೆ. ಈಗಾಗಲೇ ಇವರಿಬ್ಬರು ಇದ್ದ ಸಿನ್ಮಾಗಳು ಸೂಪರ್ ಹಿಟ್ ಅನ್ನಿಸಿಕೊಂಡಿತ್ತು. ಹೌದು ಇದು ಬಾಲಿವುಡ್ನ ಭೂತ್ ನಿರ್ದೇಶಕ ಆರ್ಜಿವಿ( ರಾಮ್ ಗೋಪಾಲ್ ವರ್ಮ) ಹಾಗೂ ಸಂಗೀತ ನಿರ್ದೇಶಕ ಸಂದೀಪ್ ಚೌಟ ಜತೆಯಾಗಿ ಒಂದು ಸಿನ್ಮಾ ಮಾಡ್ತಾರೆ. ಈ ಹಿಂದೆ ಇಬ್ಬರು ತಮ್ಮದೇ ಭಿನ್ನಾಭಿಪ್ರಾಯಗಳಿಂದ ದೂರವಾದ ಜೋಡಿ ಈ ಸಿನ್ಮಾದ ಮೂಲಕ ಮತ್ತೆ ಒಂದಾಗುತ್ತಿರೋದು ಅವರ ಅಭಿಮಾನಿಗಳಿಗಂತೂ ಖುಷಿಯಾಗಿದೆ.
ಆರ್ಜಿವಿ ಬ್ಯಾನರ್ ಅಡಿಯಲ್ಲಿ ಹೊರ ಬರುತ್ತಿರುವ ಬಹಳ ವಿವಾದಗಳಿಂದ ಕೂಡಿದ ಮರಿಯಾ ಸುಸೈರಾಜ್ ಮರ್ಡರ್ ಮಿಸ್ಟರಿಯ ಕತೆ ಇರುವ ‘ನಾಟ್ ಎ ಲವ್ ಸ್ಟೋರಿ’ ಎನ್ನುವ ಚಿತ್ರ ಬಾಲಿವುಡ್ನಲ್ಲಿ ನಿರ್ಮಾಣವಾಗುತ್ತಿದೆ. ಈ ಚಿತ್ರದ ಸಂಗೀತ ಹೊಣೆಗಾರಿಕೆ ಚೌಟರ ಮೇಲೆ ಬಂದಿದೆ ಎನ್ನೋದು ಸಧ್ಯಕ್ಕೆ ದೊರೆತ ಮಾಹಿತಿ. ಇತ್ತೀಚೆಗೆ ಮಂಜೇಶ್ವರದಲ್ಲಿರುವ ತನ್ನ ಮನೆಗೆ ಬಂದಿದ್ದ ಸಂಗೀತ ನಿರ್ದೇಶಕ ಸಂದೀಪ್ ಚೌಟ ಈ ಕುರಿತು ಲವಲವಿಕೆಗೆ ಪುಟ್ಟ ಮಾಹಿತಿ ನೀಡಿದ್ದರು.
ಬಹಳ ವರ್ಷಗಳಿಂದ ದೂರವಾಗಿದ್ದ ಆರ್ಜಿವಿ ಹಾಗೂ ನಾನು ಜತೆಯಾಗಿ ಸಿನ್ಮಾವೊಂದನ್ನು ಮಾಡುತ್ತಿದ್ದೇನೆ. ಈ ಸಿನ್ಮಾ ಬಹಳಷ್ಟು ನೈಜತೆಯಿಂದ ಕೂಡಿದ ಕತೆಯಾಗಿದ್ದು, ಸಂಗೀತಕ್ಕೂ ಸಿನ್ಮಾದಲ್ಲಿ ಬಹಳಷ್ಟು ಮಹತ್ವ ನೀಡಿದ್ದಾರೆ. ಈ ಕುರಿತು ಒಂದು ಸುತ್ತಿನ ಮಾತುಕತೆಯೂ ನಡೆದಿದೆ ಎಂದಿದ್ದರು. ಈ ರೀತಿ ಒಂದಾದ ಜೋಡಿ ಆರ್ಜಿವಿಯ ಮುಂದಿನ ಪ್ರಾಜೆಕ್ಟ್ಗಳಲ್ಲಿಯೂ ಒಂದಾಗುವ ಸಾಧ್ಯತೆಗಳಿವೆ ಎನ್ನೋದು ಅವರ ಆಪ್ತ ವಲಯದ ಮಾತು.
ಬಾಲಿವುಡ್ ಸಿನ್ಮಾ ಇಂಡಸ್ಟ್ರಿಯಲ್ಲಿ ಅಂಡರ್ವರ್ಲ್ಡ್ ಕುರಿತು ಹೊಸ ಅಧ್ಯಾಯ ಬರೆದ ‘ಸತ್ಯ’(೧೯೯೮), ಕಂಪನಿ(೨೦೦೨)ಗಳಿಗೆ ಸಂದೀಪ್ ಚೌಟ ಹಾಗೂ ಆರ್ಜಿವಿ ಜತೆಯಾಗಿ ಕೆಲಸ ಮಾಡಿದ್ದರು. ಈ ಎರಡು ಚಿತ್ರಗಳು ೬ಕ್ಕಿಂತ ಹೆಚ್ಚಿನ ಫಿಲ್ಮ್ಪೇರ್ ಹಾಗೂ ಇತರ ಅವಾರ್ಡ್ಗಳನ್ನು ದೋಚಿತ್ತು. ಅದರಲ್ಲಿ ಬೆಸ್ಟ್ ಬ್ಯಾಕ್ಗ್ರೌಂಡ್ ಸ್ಕೋರರ್ನಲ್ಲಿ ಸಂದೀಪ್ ಚೌಟರಿಗೂ ಪ್ರಶಸ್ತಿ ದಕ್ಕಿತ್ತು. ಇಬ್ಬರ ಕ್ರಿಯಾಶೀಲತೆಯನ್ನು ಕಂಡು ಇಡೀ ಬಾಲಿವುಡ್ ಇಂಡಸ್ಟ್ರಿ ದಂಗುಬಡಿದು ಹೋಗಿತ್ತು. ಇವರಿಬ್ಬರ ಚಿತ್ರಗಳು ಹಿಟ್ ಆಗುತ್ತಿದಂತೆಯೇ ‘ಇಗೋ’ ಸಮಸ್ಯೆಗಳು ತಲೆದೂರಿ ಇಬ್ಬರು ಬೇರೆ ಬೇರೆಯಾಗಿ ಹೋದರು ಎನ್ನುತ್ತಾರೆ ಅವರ ಆಪ್ತರ ಗುಂಪು.
ಈ ಸಿನ್ಮಾದ ಮೂಲಕ ಅವರಿಬ್ಬರು ಸೇರುವ ಜತೆಯಲ್ಲಿ ಬಾಲಿವುಡ್ನಲ್ಲಿ ಈ ಸಿನ್ಮಾ ಹೊಸ ಕ್ರೇಜ್ ಹುಟ್ಟುಹಾಕುವುದು ಖಾತ್ರಿಯಾಗಿದೆ. ಸಂದೀಪ್ ಚೌಟ ಬಾಲಿವುಡ್ನಲ್ಲಿ ಹೊಸ ಸಂಗೀತ ಅಲೆಯನ್ನು ಎಬ್ಬಿಸಲು ರೆಡಿಯಾಗಿದ್ದಾರೆ. ಸಿನ್ಮಾ ಇಂಡಸ್ಟ್ರಿಯಲ್ಲಿ ಈ ಚಿತ್ರ ಕಮಾಲ್ ತೋರಿಸುತ್ತಾ..? ಎನ್ನೋದನ್ನು ಕಾದು ಕೂರೋಣ ಅಲ್ವಾ..?
No comments:
Post a Comment