ಬಾಲಿವುಡ್ನ ಹಿನ್ನೆಲೆ ಗಾಯಕ ಕಮ್ ನಟ ಲಕ್ಕಿ ಆಲಿ ಮದುವೆಯಾಗುವ ಯೋಚನೆಯಲ್ಲಿದ್ದಾರೆ. ಅರೇ ಲಕ್ಕಿ ಆಲಿಗೆ ಇಲ್ಲಿವರೆಗೂ ಮದುವೆ ಆಗಿಲ್ವಾ...? ಎಂದು ಕೇಳುವ ಮೊದಲೇ ಇದು ಲಕ್ಕಿಯ ಮೂರನೇ ಮದುವೆ ಎನ್ನೋದು ನೆನಪಿಡಬೇಕಾದ ವಿಷ್ಯಾ.
ಬಾಲಿವುಡ್ ಇರಲಿ ಯಾವುದೇ ವುಡ್ಗಳಿರಲಿ ಸಂಗೀತ ಪ್ರೇಮಿಗಳನ್ನು ಲಕ್ಕಿ ಎಂದಿಗೂ ಕೈ ಕೊಟ್ಟಿಲ್ಲ. ತನ್ನ ಆಲ್ಬಂಗಳಿರಲಿ, ನಟಿಸಿದ ಸಿನ್ಮಾಗಳಿರಲಿ ಯಾವುದರಲ್ಲೂ ವಿರಹದ ಜತೆಗೆ ರೊಮ್ಯಾಂಟೀಕ್ ಗೀತೆಗಳನ್ನು ಸುರಿಸಿ ತನ್ನ ಅಭಿಮಾನಿಗಳಿಗೆ ಹೊಸ ಚೇತನ ನೀಡುತ್ತಿದ್ದ ಲಕ್ಕಿ ಆಲಿ ಈಗ ಮದುವೆಯಾಗುವ ಯೋಚನೆಗೆ ಬಂದಿದ್ದಾರೆ.
ಅರೇ ಲಕ್ಕಿ ಆಲಿ ಅಲ್ಲಿವರೆಗೂ ಮದುವೆಯಾಗಿಲ್ವಾ..? ಎಂದು ಯಾರಾದರೂ ಕೇಳುವ ಮೊದಲು ಇದು ಲಕ್ಕಿ ಆಲಿ ಮೂರನೇ ಮದುವೆ ಎನ್ನೋದನ್ನು ನೆನಪಿಡಬೇಕಾದ ವಿಷ್ಯಾ. ಲಕ್ಕಿ ಆಲಿ ಬಾಲಿವುಡ್ನ ಖ್ಯಾತ ಕಾಮೆಡಿ ನಟ ಮೆಹಮೂದ್ ಅವರ ಪುತ್ರ. ಮೆಹಮೂದ್ ಇಡೀ ಬಾಲಿವುಡ್ ಇಂಡಸ್ಟ್ರಿಯನ್ನು ತನ್ನ ಹಾಸ್ಯದ ಮೂಲಕ ನಗಿಸುತ್ತಾ ಇದ್ರೂ, ಅವರಿಗೆ ಇಂಡಸ್ಟ್ರಿಯಲ್ಲಿ ದೊಡ್ಡ ಹೆಸರಿತ್ತು. ಮೆಹಮೂದ್ ಎಂದಾಗ ಪ್ರೀತಿಯಿಂದ ನೆನೆಯುವ ಅಭಿಮಾನಿಗಳಿದ್ದರು.
ಏನೇ ಆದರೂ ತಂದೆ ಮೆಹಮೂದ್ ಅವರ ಹೆಸರು ಹೇಳಿಕೊಂಡು ಲಕ್ಕಿ ಎಂದಿಗೂ ಬಾಲಿವುಡ್ ಪಡಸಾಲೆಯಲ್ಲಿ ಅವಕಾಶಗಳಿಗಾಗಿ ಅತ್ತು ಕೂತ್ತಿಲ್ಲ. ಹೆಸರಿನಲ್ಲಿಯೇ ‘ಲಕ್ಕಿ ’ ಇದೆ ಎನ್ನುವ ಮಾತ್ರಕ್ಕೆ ಅವಕಾಶಗಳು ಹಾಗೆನೇ ಬಂದಿಲ್ಲ. ನಿಜಕ್ಕೂ ಲಕ್ಕಿಯಲ್ಲಿ ಹಾಡುವ ಪ್ರತಿಭೆ ಇತ್ತು. ಬಾಲಿವುಡ್ನ ಹಿನ್ನೆಲೆ ಗಾಯಕರನ್ನು ಮೂಲೆಗೆ ಹಾಕಿ ಎದ್ದು ನಿಲ್ಲಬಲ್ಲ ವಿಶೇಷ ಕಂಠವಿತ್ತು. ಎಲ್ಲವೂ ಜತೆಯಾದಾಗ ಲಕ್ಕಿ ಆಲಿ ಬಾಲಿವುಡ್ನ ನಂಬರ್ ವನ್ ಹಿನ್ನೆಲೆ ಗಾಯಕರಾಗಿ ಮುಂದೆ ಬಂದಿದ್ದರು.
ಹಾಡಿನ ಜತೆಯಲ್ಲಿ ತಂದೆಯಂತೆ ನಟಿಸುವ ಹುಚ್ಚನ್ನು ಬೆಳೆಸಿಕೊಂಡಿದ್ದರು. ‘ಸುರ್’ ‘ಕಸಕ್’ ಎ ಮ್ಯೂಸಿಕಲ್ ಜರ್ನಿಯಂತಹ ಸಂಗೀತ ಪ್ರಧಾನ ಚಿತ್ರದಲ್ಲಿ ಕಾಣಿಸಿಕೊಳ್ಳುವುದರ ಜತೆಯಲ್ಲಿ ಬಹು ತಾರಾಗಡಣ ಇರುವ ‘ಕಾಂಟೇ’ಯಲ್ಲೂ ತನ್ನ ಛಾಪು ಮೂಡಿಸಿದ್ದರು. ನಟನೆ ಜತೆಯಲ್ಲಿ ಸಂಗೀತ ಎರಡರಲ್ಲೂ ಲಕ್ಕಿ ನಿಜಕ್ಕೂ ಲಕ್ಕಿ ಬಾಯ್ ಆಗಿ ಮಿಂಚಿದ್ದರು.
ಲಕ್ಕಿಯ ಮದುವೆ:ಲಕ್ಕಿ ಆಲಿ ಎರಡನೇ ಮದುವೆಯಾದಾಗ ಮಾಧ್ಯಮಗಳು ಲಕ್ಕಿ ಹಾಗೂ ಅವರ ಪತ್ನಿಯ ಕುರಿತು ಬಹಳಷ್ಟು ಬರೆದುಕೊಂಡು ಬಿಟ್ಟಿತ್ತು. ಆದರೆ ಈ ಬಾರಿ ಲಕ್ಕಿಯ ಮೂರನೇ ಮದುವೆಯ ವಿಚಾರ ಬಹಳಷ್ಟು ಸೀಕ್ರೇಟ್ ಆಗಿ ಉಳಿದಿತ್ತು. ಲಕ್ಕಿಯನ್ನು ಮದುವೆಯಾಗುವ ಬ್ರಿಟಿಷ್ ಮೊಡೆಲ್ ಹುಡುಗಿ ಮದುವೆಯ ಮೊದಲೇ ಗರ್ಭಿಣಿಯಾಗುವ ವಿಷ್ಯಾ ಹೇಗೋ ಮಾಧ್ಯಮಗಳ ಕಿವಿಗೆ ಬಿದ್ದಿದೆ. ಈ ವಿಷ್ಯಾ ತಿಳಿದ ಲಕ್ಕಿ ಬ್ರಿಟಿಷ್ ಮೊಡೆಲ್ನ್ನು ತಕ್ಷಣವೇ ಲಂಡನ್ನಲ್ಲಿ ಮದುವೆಯಾಗಿದ್ದಾರೆ ಎನ್ನೋದು ಈಗ ಬಹಿರಂಗವಾಗಿರುವ ಸುದ್ದಿ.
ಭಾರತಕ್ಕೆ ಬಂದು ಇಲ್ಲಿನ ಪದ್ಧತಿಯಂತೆ ಮದುವೆಯಾಗಬೇಕೆನ್ನುವುದು ಲಕ್ಕಿಯ ಬಯಕೆಯಂತೆ. ಹಾಗಾದರೆ ಉಳಿದ ಮೂವರು ಪತ್ನಿಗಳ ಕತೆ ಏನೂ ಅಂತಾ ಕೇಳಿದ್ರೆ..ಕುಟುಂಬದಲ್ಲಿ ಯಾವುದೇ ವಿಚಾರದಲ್ಲಿ ಬಿರುಕು ಮೂಡಿಲ್ಲ. ಇಬ್ಬರು ನನ್ನ ಪತ್ನಿಯರು, ಆರ್ಥಿಕ ವಿಚಾರದಲ್ಲಿ ಅವರನ್ನು ಎಂದಿಗೂ ಕೈ ಬಿಡುವುದಿಲ್ಲ ಎನ್ನೋದು ಲಕ್ಕಿಯ ವಾದ. ಅಂದಹಾಗೆ ಲಕ್ಕಿಯ ಮೊದಲ ಪತ್ನಿ ಮೈಮುನಾರಿಗೆ ಎರಡು ಗಂಡು ಮಕ್ಕಳಿದ್ದಾರೆ. ಎರಡನೇ ಪತ್ನಿ ಈನ್ಯಾರಿಗೆ ಕೂಡ ಎರಡು ಮಕ್ಕಳಿವೆ. ಈಗ ಲಕ್ಕಿ ಮೂರನೇ ಮದುವೆಯಾಗುತ್ತಿದ್ದಾರೆ. ಈ ಮದುವೆ ಎಷ್ಟು ಕಾಲ ಬೆಳೆಬಾಳುತ್ತೆ ಎನ್ನೋದನ್ನು ಕಾದು ನೋಡಬೇಕು ಕಣ್ರಿ.
